:: Balisawsaw ::These are just rantings of a Fool.
Pinoy Time : contact:: Table of Contents::Past Tags
College Wannabees!!!
For a list or searchable database of Academic Year 2002’s successful new college students, click on the following links:
1) University of Sto Tomas
2) Ateneo de Manila University College Entrance Test Results (ACET)
3) De La Salle University
4) University of the Philippines College Admissions Test (UPCAT)
GUSTO KONG MAGING
(this is my first real personal anecdote in my blog)
Naaalala ko pa nung bata pa ako, fresh from High School, may gatas pa sa labi wika nga ng mga sinauna. Nerbiyos na nerbiyos, inikot ko lahat ng mga hinayupaks na eskwelahan sa Metromanila para makapagaral ng kaleyds. Apply dito apply dun, submit dito submit dun ng application form, test dito test dun - lahat ng iskul sinubukan kong applayan. Hirap pa namang pumunta noon sa UP, Ateneo, UST, DLSU. Hahaha. Sa tutuo lang, sa apat na iskul ako nag exam para siguradong may mapapasukan akong okay na iskul sa kaleyds. Apat na beses akong ninerbyos ng husto, gumising ng pagka-aga-aga, at sumakay ng dyip at bus. Nahilo ako sa biyahe (masuka-suka hindi lang dahil sa usok at polusyon kundi dahil di talaga ako sanay sumakay ng public transportation). Yung karag-karag kasi ng pamilya namin mas madalas pang sira at nasa talyer kaysa nasa kalsada kaya nag-public transportation ang inyong lingkod. Grabe, nahilo talaga ako sa exams. Nyeta, sadista yata lahat ng titser sa lahat ng iskul sa Maynila. Sumakit ang ulo ko pagkatapos ng bawat exam. Di ko alam kung paano ako nakauwi. Ano ba pakelam ko sa Pythagorean Theorem eh balak kong maging duktor?
Ang hirap tumingin ng resulta ng entrance exam noon. Pabalik-balik ako sa mga iskul...(Oo bruha wala pang internet noon!)...Dito yata nagsimula ang hyper-acidity ko? Kabag ang tawag noong kapanuhan ko sa lahat ng sakit ng tiyan. Di pa kami sosi noon eh.
Going to UST from Paranaque, my hometown, sumakay lang ako ng dyip na biyaheng Baclaran. Puno ng cassette tape yung harapan ng dyip. Ang lakas ng stereo. Dimadagundong ang Bass at sumasagitsit ang Tweeters. Puro jeprok ang mga kasabay ko sa dyip. Di ako nakikipag-eye-contact sa kanila. Kunwari enjoy ako while listening to the Hard Metal Rock Music ng putris na drayber. Santana, Deep Purple, Queen, Led Zeppellin ang tugtog (parang Rock and roll Hall of fame yung sounds ng dyip). Bingi na ko pag dating ng dyip sa Baclaran. Hay sarap! Matatahimik na mundo ko. IN YOUR DREAMS! Anong sarap? Napunta ka na ba sa Baclaran pag miyerkules? Nyeta, lahat yata ng tao sa Pilipinas eh nasa Baclaran na at nag sisimba sa Redemptorist church. Maglakad ka lang daw ng Paluhod dun mula sa pintuan ng simbahan hanggang sa altar at magkakaanak ka....o di kaya titigil na sa pambabae ang asawa mo, o di na mag puputa ang anak mong babae, at di na mag dadrugs si dayunyor. Kaya lahat ng nasasalubong ko na nakapalda tinitignan ko kung may kalyo sa tuhod. Bakit yung mga lalaki di ko na tinitigan ang tuhod? Bruha! Ano ka ba? Nasa Baclaran ako, fresh from High School eh titingin ako sa tuhod ng mga lalaki? Hibang ka ba? At saka ang mga lalaking lumuluhod, kwan yung mga yun...yung ano. Ah basta...alam mo na yun.
Ang sikip po talaga ng Baclaran at ang super mega ultra Baho. Paking shet!!! Dah smel is teribol. Amoy bilasang isda, di naliligong tao, sibuyas na bulok, kachichas ng matadero, lumang sapatos, BO, lahat ng masagwang amoy nandoon. Doon na yata nakatira sa kalsada ang mga tindera sa palengke pati asawa, anak at alagang aso at pusa nila.. Eh yung buong Baclaran eh isang higanteng palengke. Shock ako dahil "sheltered" ako nung elementary at highschool. (Opo wala pang malls noon).
Nag mamadali akong sumakay ng DM Bus papuntang Quiapo (JD Bus pag EDSA ang daan). In your dreams!!!. Nasubukan na ba ninyong makipag-agawan ng sakay sa Baclaran? (OO wala pang LRT at MRT noon bruho). Pwedeng mabangas ang mukha mo sa mga sikong nagliiparan, madukutan, matapakan o masalpak ang mukha sa kilikili ng matatabang matrona. Kasi naman di ko pa alam yung gimik na mag hintay ng magagandang tsiks na sasakay tsaka proteksiyonan yung babae from maniacs na naglipana. HOY hinaharangan ko yung mga walanghiya na nantsatsansing sa tsiks ano? Hindi ako ang nangwawalanghiya. Hayyyy. Siyempre nakarating din ako sa walang kamatayang Quiapo at bumaba sa gitna ng simbahang Quiapo at ng makasaysayang Plaza Miranda. Walang street parliament nun at di rin Friday or Jan. 9 na pista ng quiapo. Medyo maluwag, konti ang tao.
Hay sarap. IN YOUR DREAMS!!! Dito sa Quiapo ako nakaranas ng unang Krimen sa buhay ko. Hahaha! Nakikilan agad ako ng mga hinyupaks na mga puro tatoo na drug addict yata yung mga yun. Di ko nagamit yung inaral kong Judo at Karate. Hehehe. Buti na lang at ala talaga akong pera at ang suot kong yoyo (watch for your information) eh seiko lang. Pang meryenda lang nakuha sa akin. Di pa uso sa kin ang Tag nun. Ala naman akong credit cards at mga lisensiya na nasa wallet na matatangay ng mga hudas. Tapos sakay ulit ng jip na dadaan sa harap ng UST at pede ka ng tumalon sa harap ng UST. Problema pag baha...pede kang mahulog sa imburnal sa quezon blvd. at pulutin sa Manila Bay. Sa UST madaling magtanong...nakapaskel sa dingding yung resulta ng exam.. sa Medical Bldg yata ako kumuha. dun ko din tinignan kung nakapasa ako. Pasado ba ko? Empre pasado. Ano ka bah? Pero di ko alam yun nun ang alam ko lang karamihan sa ka batch ko nakapasa sa UST. eheheh. ang daming tsiks na magaganda sa UST.
Sumunod na exam results yung sa UP. Sa Malcom Hall naman ako kumuha ng exam pero sa Admin. Bldg. and display ng resulta. Doon ba sa likod ng istatwang borles. (Yung istatwang ang modelo daw ay Tatay ng Phil. President Wannabee na si Fernando Pwe. Later on magboborles din ako sa UP pero ibang istorya na yun.) Mula Baclaran, isang bus lang ang sakay ko papuntang diliman. Puedeng via EDSA or Via Quiapo. Pag nakatulog ka sa bus at di nakababa sa campus aabot ka hangang Balara. (Nope di ako umabot ng Balara...Gising na gising ako dahil nasusuka ako sa hilo sa bus remember?) Sakay ng Ikot sa UP. Dalawang klase ang dyip sa UP...yung ikot (sa loob lang ng campus) at yong derecho sa UP balara hangang sa kanto ng aurora blvd. Ang gaganda ng mga tsiks sa UP noon. Heheh. uso pa mini skirt eh. Siyempre pasado rin ako.
Ang DLSU, Taft malapit sa amin. Minaneho ko yung bitols namin, si lab bug. I found out that the rumours are true. Sobra kahirap mag-park sa La Salle. hahah. Sa mga iskinita sa gilid ng taft pa ko nakaparada. Sa tabi ng isang bilyaran na punong puno ng estyudents ng DLSU. Doon yata ang class nila. Hahahah, ang mga suwail na anak. Sumilip ako sa bilyaran at napansin kong puro sila naka Tag na relos at Police na shades. Tinago ko sa likod ko yung wrist watch ko. Baka mapansin na smol time ang yoyo ko eh. Ang daming mestiso at chinese sa DLSU. Dali dali kong tinignan yung resulta (empre pasado ulet ako) at lumayas na sa eskwelahan ng mayayaman.
Sa Ateneo, pasado rin ako. Dahil nakapunta na ko ng UP madali na kong pumunta doon. Palinga-linga ako, nag hahanap ng mga Hesuwista. Pero ang napansin ko sosi talaga mga tao dun. Nag mistula talagang probinsyano ako doon. Kasi nagtanong ako "Brod, nasaan ba yung bldg. so and so.?" sinagot ako ng ingles na may accent. Yaon siguro yung pamosong areneo accent. Di ko naintindihan. nahiya na kong magtanong ulet. Kaya ginamit ko utak ko. Nag hanap ako ng bilihan ng sigarilyo kahit di ako nagyoyosi. Bumili ng Yosi. Marlboro nga pare. (Tangna...kelangan pa kong lumabas ng iskul para bumili ng yosi samantalang sa UP, pati sa CR may tindero ng Yos.-- hahah yung mga tinderang informer daw ng security) pagkabayad ko tsaka ko tinanong kung nasaan yung building na naka post yung exam result. hahaha. wais ito noh.
Awa ng diyos, nakapasa ako sa lahat ng pinag-applayan ko.
I decided to go to UP initially taking up Pre-Med. Bakit Poltical Science ang tinapos ko? Ibang wento na yun...laterz. na lang.
Back to Table of Contents...
:: Bing Friday, November 08, 2002
[+] ::
...
